💖 शब्दको यात्रा ✍️

Welcome

प्रेम र भावनाका शब्दहरूको यात्रामा स्वागत छ। सब्दको यात्रा — जहाँ हरेक शब्दले कथा बुन्यो, हरेक वाक्यले भावको रंग छर्यो। यहाँ तिमी आफैंलाई हराउँछौ, कथा र कल्पनाको अनन्त संसारमा, जहाँ शब्दहरूले यात्रा तय गर्छन्।

📖 कथा / लेखन

पानी — शान्त देखिन्छ, तर भित्र गहिराइ लुकाएको हुन्छ। पानीजस्तै हुन सके कति सजिलो हुन्थ्यो होला

कहिले वर्षा बन्छ, भावना झरी झैँ बगाउँछ। कहिले नदी बन्छ, बाटो आफैं कोर्छ। धारा जस्तो बहिरो, चुपचाप तर शक्तिशाली। मेरो मन पानीजस्तै रहिरहन्छ— बग्ने बेला बग्छ, चुपचाप बेला चुप लाग्छ। पानीजस्तै सरल हुन्थ्यो भने कति सजिलो हुन्थ्यो होला, तर पानीले पनि कहिलेकाहीँ गहिरो रहर लुकाउँछ।

सोच्दासोच्दै म एक्लै हराएँ, के यो फर्केर आउनुपर्ने सोच हो, कि केवल व्यर्थको समय खेर फाल्ने विचार? मनको गहिराइमा खोसिएर, सोध्छु आफूलाई—कसको लागि यो यात्रा? आशा कि भ्रम?उफ्फ... निदाउन सकिनँ। उठेँ, सिरानीभित्र लुकेको चुरोट निकालें, सल्काएँ अनि झ्यालतिरको पानीको आवाज सुन्दै— मनलाई थाम्न खोजें, तर त्यो आवाजमा नै हराएँ।

सम्बन्ध जोड्न नसकेको मान्छे मात्र एक्लो हुँदैन, संबन्ध भएर पनि नबुझिएको मान्छे अझ बढी एक्लो हुन्छ। कहिलेकाहीँ भीडभित्रै पनि मन तर्सिन्छ, किनकि साथ हुनु र समझिनु — दुई फरक कुरा हुन्। म आफैंसँग सोध्छु— “म यसमा परें कि परिनँ?” उत्तर पाउन जरुरी छैन, कहिलेकाहीँ प्रश्न राख्नु मात्र मनको अनन्त समुद्रमा पानीको झरझर झरनाजस्तो शान्ति ल्याउँछ।अनि म बुझ्छु, केही कुरा बुझ्नका लागि सिर्फ समय र मौनता नै पर्याप्त हुन्छ। म एक्लै भए पनि, मेरो मन आफैंसँग संवाद गर्छ, मेरो भावनाले मार्ग देखाउँछ।

जोडिएको सम्बन्ध कहिलेकाहीँ बाधा जस्तो लाग्छ, तर तोडिएको सम्बन्धको याद भने मीठो चुम्बन जस्तो हुन्छ, थोरै दुख छ तर धेरै स्वतन्त्रता, थोरै पछुतो छ तर धेरै मिठास। त्यो यादले हृदयलाई हल्का बनाउँछ, र समयसँगै अझै मीठो अनुभव हुन्छ।खै, आखिर सबैको कथा आफ्नै हुन्छ। अरूले लेखेको कुरा मात्र पढ्न सकिन्छ, तर डुबेर महसुस गर्न र भोग्न त आफ्नै मनले मात्र सक्छ। आफ्नै मनमा झरेर हेर्नु, अनि आफैंलाई बुझ्नु — यही त हाम्रो कथा हो।

💬 छोटो भनाइहरू

कहिलेकाहीँ प्रेमले हाम्रो मन छोइरहन्छ, तर जीवनले हामीलाई अलग बनाउँछ।
शब्दले सधैं सम्झना राख्दछ, भावनाले सधैं छुन्छ।

👤 मेरो बारेमा

म, शब्द र कथाका माध्यमबाट भावनालाई व्यक्त गर्न मन पराउने लेखक।

📞 सम्पर्क विवरण

Email: abinaslokuch@gmail.com, abinaslokuch@hotmail.com

🙏 Donate

Support गर्न चाहनुहुन्छ भने तल क्लिक गर्नुहोस्।

Pay with eSewa (9812461314)